niðurgangur

sunnudagur, maí 21, 2006

Vatn.

Vatn er ótrúlega seigur vökvi. Ef þú hálffyllir fötu af vatni og rekst í hana, þá hefurðu miklu lengri tíma en þú heldur til að bregðast við og bjarga gólfteppinu. Maður skyldi halda að að vatnið myndi flæða út um allt um leið, en það er bara ekki svo. Ég mælist til þess að þið prófið þetta.

mánudagur, maí 15, 2006

http://ljóð.com/101=trefil//htm-creatw?=18933

Humarleikur

Ég hef ekki leikið þína þungu strengi lengi
þegar þú settist hjá mér brá mér
strengir
bregða
lengi situr gamall hundur við námið
hundur situr á gámi í námi.

föstudagur, maí 12, 2006

Atkvæði til sölu.

Atkvæði mitt til sveitastjórnakosninga er hér með til sölu. Ég hef kosningarétt í Reykjavík.
Uppboðið stendur fram að miðnætti fyrir kjördag. Ef ég vakna á kjördag án tilboðs mun ég kjósa samkvæmt eigin vilja. Fyrirframgreiðsla skilyrði. Reyni að smygla myndavél eða myndavélasíma í kjörklefa til sönnunar.