Snillingurinn sonur minn

Óliver fékk að koma með í bæjarferð í gær. Gaf góð ráð á júróvisjónæfingu hjá mömmu sinni, gagnrýndi bakraddir fyrir að vera ekki með proppsið tilbúið og gaf grænt ljós svo þegar atriðið var tilbúið. Eftir það komu þau svo á æfingu til mín. Einkasýning fyrir hann á Stórustrákaatriðinu í Abbababb, og hann fékk að leika sér í leikmyndinni og spjalla við leikarana, hvílíkt stuð. Spilaði líka fótbolta við Jóhann G.(Bárður í stundinni) og sagði honum að hann mætti koma aftur í stundina, hinum væri örugglega alveg sama. Gekk svo beint að Sigurjóni Kjartanssyni(Herra Rokk) og spurði ,,hey ert þú ekki í Spaugstofunni?". Ógeðslega fyndið. Snillingur.